مكتبة الشاعر مصطفى ود المأمور

[عاشقة بورتسودان]

نبارك افتتاح الموقع وباذن الله يكون مرجع هام لشاعر اهم من شعراء بلادي

وتاني الف مبروك

شكرا ياعاشقه ونحن نكبر بكم

http://www.sudanesesongs.net/index.php?showtopic=94562

قصيدة يا حلاتك يابلادي

مصطفي ود المأمور
مصر 1973

يارفاقتي كِتِرْتَ بيكم

الى اصدقائى المخلصين الذين وقفوا بجانبى ودعوا مخلصين لبصرى اكتب لهم من قاع عينى هذه الابيات وحمدا وشكرا لله الذى اظهر فى عيونى قدرته جلَّ وعلى علوا كبيرا وصلى الله على سيدى ونور بصرى وقرة عينى السراج المنير والنبى الاخيرصلى الله عليه وسلممصطفي عبد الماجد المأمور لندن /
http://www.sudanesesongs.net/index.php?showtopic=94235

http://www.sudanesesongs.net/index.php?showtopic=94062

قصيدة الشيمه
مصطفى ودالمامور

قصيدة هيْنِينْ عَلِيكْ ؟
مصطفي ودالمأمور


http://www.sudanesesongs.net/index.php?showtopic=94560

ما لانك إنتِ أمي
ج
مصطفي عبد الماجد المأمور

أُمي كِسْرَتْنَا وقَمِحْنَا
سَيره بالكِرعين تَصَفِّقْ يوم سَمِحْنَا
غُنوه بِتْضَمَّدْ جَرِحْنَا
قصيده من أعماقي جايه
وفيها آهات من بُكَايَا
لما قلناها اسْتَرِحْنَا
أمي رحلتنا الطويله
و أمي حاديها ودليله
و أمي فارس في القبيله
يوم قبيلتي تجيها مِحْنَه

******

أمي أمبارح أَنِحْنَا
و أمي هذا اليوم سَمِحْنَا
و أمي بَاكِرْ لو حِيينَا
يُمّه ليّْ في الدنيا مُنْيَهْ
في حياتنا تكونى غُنْيَه
ولما نتفارق في دُنيا ..
تبقي شَاهِدْ
وتبقي رايات في ضريحنا
وإنشاء الله يا أمي الحَنِينَه
تبقي كسرتنا وعجينه
وتبقي (فَكَّةْ رِيقْ) لدينا
وتعيشي وَشِّكْ مُنْطَرِحْ
تِتْهَنِّي بالنَضْمَ السَمِح
و تبقي زي شوكة الطَلِّحْ
الكلما كِبْرَتْ سَنِينَه ..
و كل عام لازم تحَجِّي وتَصَلِي
لي عند المدينه ...
و في رحاب مسجد نبينا
في صلاتك تدعي لينا
و تعيشي … لمَّا شلوخك إنتِّي
في الجِلِدْ تَصْبحْ دَفِينَه
* * * *

و لما ترجعي لي دياركك
نملأ بي أولادنا دارك
قرة العين يالحنينه
وتبقي حبوبه التَقِّيه
العايشه للصلوات ودينا
وكل عام أهديك قصيده
قصيده من الجوف رصينه
ما لأنك إنتي أمي ..!
بس لأنك إنتِ فينا
زي تلاوة الليل وفجره
تدي للقلب السكينه
وزي هديل القمري لمَّا
يفرِّح النَفْسَ الحزينه
ما لأنك إنتِ أمي ..!
ونحن من صدرك روينا
بس لأنك أنت واحده
بِتَوْزِنْ الحِلَّه وعوينا
أَتحدى واحده تكون في عمرك
تبقي قاريه وعارفه دينا
ألا إنتي الكنتي ناظره
وكنتي شاعره ...
عندك الكلمة الرصِينه
وبي غُناك الكان زمان
بِتْغَنيَّ لينا ...
غُنوه صادقة عليها
تَاتِينَا ومشيناَ ...
ونحن هَسَّعْ في كُبُرْنَا
إنتي برضو تَغَنيَّ لينا ؟
وأنحنا شِنْ سوينا ليكي
عشان نجازيك يا الحنينه ؟
عَليّْ العلينا مشينا مِنِّكْ
و القليب خاتِنّو عندكْ
لمِّي لينا ...
أصلوا كان خليتو عندي
قد يضيع في غَفْلَه منِّي
ده القليب السَاوِّي فينا ..؟
* * * *
بالله يا أمي الحنينه
سوي معروف إنتي فينا
وهاكْ قليبي هناك معاكْ
دسِّيهُ لينا ...
يِنْفَعِكْ تِتْهَنِّي بيُّه
وفي السجود إدعيّ ليُّه
في الحَرَمْ أو في المدينه
و خَلَّيْ قلبي معاكي عِنْدِكْ
أَوْلَي إنتي تَلَّمي لينا

* * * *

جزيل شكرى للذين اتصلوا هاتفيا والذين كتبوا اصدق المشاعر والذين طوقوا جيدى بقصائد والذين اخلصوا بالدعاء وانا حقيقة كبير بكم وبحبكم واشهد الله انه اكرمنى عشان خاطركم والحمد لله الذى اكرمنى بالشفاء وبحبكم وانشاءالله نقيف معاكم فى الافراح لكم فائق احترامى وانا فخور بكم

[عاشقة بورتسودان]

الف سلامة عليك استاذنا ود المأمور اجر وعافية ان شاء الله
ورمضان كريم عليك

[جيري]

الف حمد الله علي سلامتك استاذنا الغالي وان شاء الله اجر وعافية ..
وحقيقة افتقدناك ..